قصص الأطفال الإسلامية تعتبر من أهم الوسائل التي تساهم في غرس القيم والمبادئ الدينية في نفوس الأطفال الصغار، فمن خلال هذه القصص يتعرف الأطفال على شخصيات تاريخية عظيمة وأحداث مهمة في تاريخ الإسلام، مما يساعدهم على فهم دينهم بشكل أعمق، فـ القصص الإسلامية ليست مجرد حكايات، بل هي دروس حياتية تعزز من الأخلاق وتعلم الصبر، العطاء، والإيمان، لذا اليوم من خلال موقعنا عرب 365 سنستعرض في هذا المقال افضل قصص الانبياء للاطفال مكتوبة بالعامية، تابع معنا.
قصص الانبياء للاطفال
اذا كنت تبحث عن مجموعة قصص الانبياء للاطفال مكتوبة بالعامية لقرائتها لطفلك قبل النوم، او لتنمية القيم والمبادئ الدينية لديهم، فإليك الآن مجموعة قصص الانبياء للأطفال، وهي:
- قصة سيدنا نوح عليه السلام والطوفان العظيم قصة سيدنا إبراهيم وسيدنا إسماعيل عليهما السلام
- قصة سيدنا يوسف وإخوته
- قصة أصحاب الفيل
- قصة أهل الكهف
قصة سيدنا نوح والطوفان العظيم
زمان ربنا سبحانه وتعالي خلق ناس كتير، بس للأسف ناس كتير منهم نسيت ربنا، وعبدوا الأصنام، وعملوا حاجات وحشة كتير، وربنا سبحانه وتعالى ارسل لهم سيدنا نوح عليه السلام عشان ينصحهم ويدعوهم لعبادة الله سبحانه وتعالي.
سيدنا نوح أستمر سنين طويلة يحاول مع الناس ويدعيهم لعبادة الله سبحانه، بس هما رفضو واستمروا في عبادة الأصنام، سيدنا نوح ميأسش، وفضل يدعو الناس لربنا حوالي ألف سنة، بس مفيش غير شوية ناس بسيطة صدقوه وآمنوا معاه.
ربنا سبحانه وتعالي شاف إن الناس دي مش هتتغير وهتفضل تعبد الأصنام غير الناس القليلة اللي آمنوا. فأمر ربنا سيدنا نوح إنه يبني سفينة كبيرة أوي، علشان ربنا هيرسل طوفان كبير من الماء وهيغرق كل الناس الكافرين اللي بتعبد الأصنام، إلا سيدنا نوح والناس القليلة اللي آمنت معه.
وابتداء سيدنا نوح في بناء السفينة وأمره ربنا أن تكون السفينة الكبيرة، عشان يركب فيها هو والناس اللي آمنوا معاه، وكمان أمره أن ياخد معاه من الحيونات زوجين، ذكر وأنثى علشان الحيوانات دي تعمر الأرض من تاني بعد ما يخلص الطوفان.
سيدنا نوح بنى السفينة زي ما ربنا سبحانه وتعالي أمره، ولما خلص، ربنا بعت مطر جامد أوي، وطوفان كبير من المياه غرقت كل حاجة في الأرض، والناس اللي كانت بتعبد الأصنام كانت بتجري وتصرخ، بس المياه كانت أسرع منهم، وغرقوا كلهم.
ونجاه سيدنا نوح واللي معاه في السفينة، وفضلوا في السفينة أيام وليالي طويلة، لحد ما ربنا سبحانه وتعالي أمر المياه إنها تنزل، والسفينة استقرت على جبل عالي، ولما المياه نزلت سيدنا نوح واللي معاه نزلوا من السفينة، وبدأوا حياة جديدة على أرض جديدة، ونشروا عبادة ربنا في كل مكان.
قصة سيدنا إبراهيم وسيدنا إسماعيل
سيدنا إبراهيم عليه السلام كان نبي من أنبياء الله سبحانه وتعالى، وكان عنده كل حاجة بس كان فيه حاجة واحدة ناقصاه، وهي إنه مكانش عنده أولاد، وهو ومراته هاجر كانوا كبار في السن، بس ربنا كريم، واستجاب لدعائهم ورزقهم بولد سماه إسماعيل.
سيدنا إبراهيم عليه السلام كان بيحب إسماعيل أوي، وكان بيدعي ربنا دايما إنه يحفظه، ولما إسماعيل كبر وبقى شاب، ربنا سبحانه وتعالي ابتلى سيدنا إبراهيم بامتحان صعب أوي، وأمره إنه يضحي بابنه إسماعيل، وسيدنا إبراهيم كان راضي بقضاء ربنا، وعارف إن ربنا سبحانه وتعالي مش هيأمره بحاجة وحشة، فخرج هو وإسماعيل لمكان بعيد عشان ينفذ أمر رؤيتنا.
إسماعيل كان شاب مؤمن بربنا، ولما أبوه قاله على أمر الله سبحانه وتعالي، قاله: ” يا أبت افعل ما تُؤْمَرُ سَتَجِدُنِي إن شَاءَ الله مِنَ الصَّابِرِينَ؟”، سيدنا إبراهيم رفع السكينة عشان يذبح ابنه، بس في اللحظة الأخيرة، ربنا نزل ملك من السماء وبشر سيدنا إبراهيم عليه السلام إنه نجح في الامتحان، وإن ربنا فدى إسماعيل بكبش عظيم.
سيدنا إبراهيم وإسماعيل “عليهما السلام” شكروا ربنا على رحمته وكرمه، وعاشوا سعداء، وفضلوا دايما بيذكروا الناس بقصة الفداء العظيم دي، عشان يعرفوا إن ربنا سبحانه وتعالي دايما مع عباده الصابرين.
قصة سيدنا يوسف وإخوته
سيدنا يوسف عليه السلام كان أصغر ولاد سيدنا يعقوب، وكان أبوه بيحبه أوي، ودايما بيعبر له عن حبه، وإخواته غاروا منه أوي وقرروا يخلصوا منه بأي طريقة.
في يوم أخدوا يوسف معاهم للبر بحجة إنهم هيلعبوا، وبعدين رموه في بير عميق وسابوه، ورجعوا لأبوهم وقالوا لابوهم إن الذئب أكله، سيدنا يعقوب عليه السلام حزن أوي على يوسف، وفضل يدعي ربنا إنه يرجعه له بالسلامة.
في نفس الوقت عدت قافلة تجار من جنب البير، وشافوا يوسف، وطلعوه من البير، وباعوه في مصر لواحد غني اسمه العزيز.
يوسف كبر في بيت العزيز واتعلم كتير، وبقى شاب وسيم وذكي، بس كان دايما بيفكر في أبوه وإخواته، ويتمنى يشوفهم تاني.
يوسف عليه السلام عاش في مصر سنين طويلة، واتعرض لمواقف صعبة كتير، بس ربنا كان دايما معاه، وفي الآخر ربنا كرمه، وبقى وزير في مصر، ولما إخواته ذهبوا الي مصر علشان يجيبوا أكل بسبب المجاعة اللي حصلت في بلدهم، قابلوا يوسف من غير ما يعرفوا إنه أخوهم، بس هو آخر القصة عرفهم وسامحهم على كل اللي عملوه فيه، وعاشوا كلهم مع بعض في سعادة في مصر وتحققت رؤية سيدنا يوسف.
قصة أصحاب الفيل
زمان كان فيه ملك ظالم اسمه أبرهة، كان عايز يهدم الكعبة المشرفة اللي في مكة، عشان الناس تبطل تروح تحج هناك، وتروح بدل كده لمعبد كبير بناه هو في اليمن، أبرهة كان مغرور أوي وفاكر إنه أقوى من ربنا سبحانه وتعالي، فجمع جيش كبير وكان معاهم فيل ضخم جدا اسمه محمودا، وذهبو ناحية مكة.
أهل مكة خافوا أوي لما سمعوا إن أبرهة وجيشه جايين يهدموا الكعبة، ودعوا ربنا إنه ينجيهم، ولما جيش أبرهة قرب من مكة، ربنا بعت عليهم طيور صغيرة اسمها أبابيل، كانت شايلة في مناقيرها حجارة صغيرة من نار جهنم تسمي سجيل، طير الأبابيل رمت الحجارة دي على جيش أبرهة، وكل واحد اتصابت فيه حجارة مات في الحال، والجيش كله هلك، والفيل بتاعهم محمودا رفض يتحرك ناحية الكعبة، وكأن ربنا سبحانه وتعالي بيقول لأبرهة الكعبة دي بيتي، ومحدش يقدر يهدمه.
قصة أهل الكهف
زمان كان فيه مجموعة شباب مؤمنين بربنا، بس كانوا عايشين في بلد حاكمها ملك ظالم كان بيجبر الناس إنها تعبد الأصنام، الشباب دول خافوا على نفسهم من الفتنة، وهربوا واستخبوا في كهف بعيد.
لما دخلوا الكهف، حسوا بأمان وناموا نوم عميق، الشباب ناموا سنين طويلة أوي، ومحدش يعرف إيه اللي حصل لهم، ومرت السنين وفضلوا نايمين في الكهف ده أكتر من 300 سنة، والدنيا اتغيرت بره، والملك الظالم مات، والناس بدأت ترجع لعبادة ربنا.
وفي يوم، الشباب صحيوا من النوم، وحسوا إنهم جعانين، فقرروا يبعتوا واحد منهم للمدينة يجيب لهم أكل.
الشاب ده أخد معاه فلوس قديمة ونزل المدينة بس اتفاجئ إن المدينة اتغيرت تماماً، والناس لبسها غريب، والفلوس اللي معاه محدش بيستخدمها ومش بتنفع في الشراء، الناس استغربت منه ومن لبسه وهيئته القديمة، وسألوه “إنت مين؟ وجاي منين؟ وإزاي معاك الفلوس دي؟”
الشاب حكى لهم حكايته وحكاية أصحابه، والناس ما صدقوش في الأول، وقالوا “إنت بتهزر! إزاي نايم أكتر من 300 سنة؟”، بس لما راحوا معاه للكهف وشافوا أصحابه، وعرفوا إن دي معجزة من ربنا، آمنوا بيه وعرفوا إن ربنا قادر على كل شيء.
أقرا أيضا : قصص اطفال قبل النوم مكتوبة بالعامية 2025